❤️ ਲਾਰਡਜ਼ ‘ਚ ਇਕੱਠੇ ਨਜ਼ਰ ਆਏ ਅਰਜੁਨ ਕਪੂਰ ਤੇ ਸਾਹਿਬਾ ਬਾਲੀ! ਡੇਟਿੰਗ ਦੀਆਂ ਅਫਵਾਹਾਂ ਨੇ ਫਿਰ ਫੜੀ ਰਫ਼ਤਾ❤️
ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਇੱਕ ਵਾਰ ਫਿਰ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ਵਿੱਚ ਹਨ। ਐਤਵਾਰ, 19 ਜੁਲਾਈ ਨੂੰ ਲੰਡਨ ਦੇ ਇਤਿਹਾਸਕ ਲਾਰਡਜ਼ ਕ੍ਰਿਕਟ ਗ੍ਰਾਊਂਡ ਵਿੱਚ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਖੇਡੇ ਗਏ ਤੀਜੇ ਵਨਡੇ ਦੌਰਾਨ ਅਰਜੁਨ ਕਪੂਰ ਨੂੰ ਮਸ਼ਹੂਰ ਡਿਜ਼ਿਟਲ ਕੰਟੈਂਟ ਕ੍ਰੀਏਟਰ ਸਾਹਿਬਾ ਬਾਲੀ ਨਾਲ ਦੇਖਿਆ ਗਿਆ। ਦੋਵਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓ ਸਾਹਮਣੇ ਆਉਂਦੇ ਹੀ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀ ਡੇਟਿੰਗ ਦੀਆਂ ਅਫਵਾਹਾਂ ਤੇਜ਼ ਹੋ ਗਈਆਂ ਹਨ।
ਮੈਚ ਦੌਰਾਨ ਦੋਵੇਂ ਇੱਕ-ਦੂਜੇ ਨਾਲ ਕਾਫ਼ੀ ਆਰਾਮਦਾਇਕ ਅੰਦਾਜ਼ ਵਿੱਚ ਨਜ਼ਰ ਆਏ। ਵਾਇਰਲ ਤਸਵੀਰਾਂ ਵਿੱਚ ਦੋਵੇਂ ਇਕੱਠੇ ਬੈਠੇ ਦਿਖਾਈ ਦਿੱਤੇ ਅਤੇ ਦੋਵਾਂ ਨੇ ਇੱਕੋ ਰੰਗ ਦੇ ਕੱਪੜੇ ਪਹਿਨੇ ਹੋਏ ਸਨ, ਜਿਸ ਨੇ ਫੈਨਜ਼ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਹਾਲਾਂਕਿ, ਅਜੇ ਤੱਕ ਅਜਿਹਾ ਕੋਈ ਪੱਕਾ ਸਬੂਤ ਸਾਹਮਣੇ ਨਹੀਂ ਆਇਆ ਜੋ ਇਹ ਸਾਬਤ ਕਰੇ ਕਿ ਦੋਵੇਂ ਰਿਸ਼ਤੇ ਵਿੱਚ ਹਨ। ਨਾ ਹੀ ਅਰਜੁਨ ਕਪੂਰ ਅਤੇ ਨਾ ਹੀ ਸਾਹਿਬਾ ਬਾਲੀ ਨੇ ਇਨ੍ਹਾਂ ਅਫਵਾਹਾਂ ‘ਤੇ ਕੋਈ ਅਧਿਕਾਰਿਕ ਪ੍ਰਤੀਕਿਰਿਆ ਦਿੱਤੀ ਹੈ।
ਸੋਸ਼ਲ ਮੀਡੀਆ ‘ਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ
ਤਸਵੀਰਾਂ ਵਾਇਰਲ ਹੋਣ ਤੋਂ ਬਾਅਦ ਫੈਨਜ਼ ਦੀਆਂ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਸਾਹਮਣੇ ਆਈਆਂ। ਕੁਝ ਲੋਕਾਂ ਨੇ ਦੋਵਾਂ ਨੂੰ ਨਵੇਂ ਰਿਸ਼ਤੇ ਲਈ ਵਧਾਈਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ, ਜਦਕਿ ਕਈ ਯੂਜ਼ਰਜ਼ ਦਾ ਕਹਿਣਾ ਹੈ ਕਿ ਸਾਹਿਬਾ ਆਪਣੇ ਦੋਸਤਾਂ ਦੇ ਗਰੁੱਪ ਨਾਲ ਮੈਚ ਦੇਖਣ ਪਹੁੰਚੀ ਸੀ ਅਤੇ ਅਰਜੁਨ ਕਪੂਰ ਵੀ ਉਸੇ ਦੋਸਤ ਮੰਡਲੀ ਦਾ ਹਿੱਸਾ ਸਨ।
ਜਨਮਦਿਨ ਵਾਲੀ ਪੋਸਟ ਤੋਂ ਸ਼ੁਰੂ ਹੋਈ ਚਰਚਾ
ਦੋਵਾਂ ਦੇ ਨਾਮ ਪਹਿਲੀ ਵਾਰ ਉਸ ਵੇਲੇ ਜੋੜੇ ਗਏ ਸਨ ਜਦੋਂ ਅਰਜੁਨ ਕਪੂਰ ਦੇ ਜਨਮਦਿਨ ‘ਤੇ ਸਾਹਿਬਾ ਬਾਲੀ ਨੇ ਇੰਸਟਾਗ੍ਰਾਮ ਸਟੋਰੀ ‘ਤੇ ਉਨ੍ਹਾਂ ਨੂੰ ਵਧਾਈ ਦਿੰਦੇ ਹੋਏ ਮਜ਼ਾਕੀਆ ਅੰਦਾਜ਼ ਵਿੱਚ ਲਿਖਿਆ ਸੀ ਕਿ, “ਸਭ ਦੇ ਬੈਸਟੀ ਨੂੰ ਹੈਪੀ ਬਰਥਡੇ, ਹੁਣ ਵਜ਼ਨ ਘਟਾਉਣਾ ਬੰਦ ਕਰੋ ਅਤੇ ਕੇਕ ਖਾਓ।” ਇਸ ਦੇ ਜਵਾਬ ਵਿੱਚ ਅਰਜੁਨ ਨੇ ਲਿਖਿਆ ਸੀ ਕਿ ਉਹ ਸਾਹਿਬਾ ਨਾਲ ਮਿਲਣ ਦਾ ਇੰਤਜ਼ਾਰ ਕਰ ਰਹੇ ਹਨ। ਇਸ ਤੋਂ ਬਾਅਦ ਹੀ ਦੋਵਾਂ ਦੀ ਦੋਸਤੀ ਨੂੰ ਲੈ ਕੇ ਚਰਚਾਵਾਂ ਸ਼ੁਰੂ ਹੋ ਗਈਆਂ ਸਨ।
ਦੋਵਾਂ ਦਾ ਰਿਲੇਸ਼ਨਸ਼ਿਪ ਸਟੇਟਸ
ਸਾਹਿਬਾ ਬਾਲੀ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕੀ ਹੈ ਕਿ ਉਹ ਸਿੰਗਲ ਹਨ ਅਤੇ ਉਨ੍ਹਾਂ ਦਾ ਆਪਣੇ ਸਾਥੀ ਕੰਟੈਂਟ ਕ੍ਰੀਏਟਰ ਨਾਲ ਸਿਰਫ਼ ਦੋਸਤੀ ਵਾਲਾ ਰਿਸ਼ਤਾ ਹੈ। ਦੂਜੇ ਪਾਸੇ, ਅਰਜੁਨ ਕਪੂਰ ਇਸ ਤੋਂ ਪਹਿਲਾਂ ਮਲਾਇਕਾ ਅਰੋੜਾ ਨਾਲ ਲੰਬੇ ਸਮੇਂ ਤੱਕ ਰਿਲੇਸ਼ਨਸ਼ਿਪ ਵਿੱਚ ਰਹੇ ਸਨ। ਦੋਵਾਂ ਦਾ ਸਾਲ 2024 ਵਿੱਚ ਬ੍ਰੇਕਅੱਪ ਹੋ ਗਿਆ ਸੀ।
ਵਰਕ ਫਰੰਟ
ਕੰਮ ਦੀ ਗੱਲ ਕਰੀਏ ਤਾਂ ਅਰਜੁਨ ਕਪੂਰ ਹਾਲ ਹੀ ਵਿੱਚ ਫ਼ਿਲਮ ‘ਮੇਰੇ ਹਸਬੈਂਡ ਕੀ ਬੀਵੀ’ ਵਿੱਚ ਭੂਮੀ ਪੇਡਨੇਕਰ ਅਤੇ ਰਕੁਲ ਪ੍ਰੀਤ ਸਿੰਘ ਨਾਲ ਨਜ਼ਰ ਆਏ ਸਨ। ਇਸ ਤੋਂ ਇਲਾਵਾ ਉਹ ਨੈਟਫਲਿਕਸ ਦੇ ਸ਼ੋਅ ‘ਲੌਕ ਅਪ: ਸੱਚ ਜਾਂ ਸਜ਼ਾ’ ਵਿੱਚ ਵੀ ਦਿਖਾਈ ਦਿੱਤੇ ਹਨ।
#ArjunKapoor #SahibaBali #DatingRumours #LordsCricketGround #BollywoodNews #EntertainmentNews #ViralPhotos #Tren
