🚨 ਗੁਰੂਗ੍ਰਾਮ ਵਿੱਚ Work From Home ਨਿਯਮ ਤੋੜਨ ਵਾਲੀਆਂ ਕੰਪਨੀਆਂ ’ਤੇ ਪ੍ਰਸ਼ਾਸਨ ਦੀ ਸਖ਼ਤੀ! ਦੋ ਵੱਡੀਆਂ ਲਾਅ ਫਰਮਾਂ ਨੂੰ ਕਾਰਨ ਦੱਸੋ ਨੋਟਿਸ, 24 ਘੰਟਿਆਂ ਵਿੱਚ ਮੰਗਿਆ ਜਵਾਬ

🚨 ਗੁਰੂਗ੍ਰਾਮ ਵਿੱਚ Work From Home ਨਿਯਮ ਤੋੜਨ ਵਾਲੀਆਂ ਕੰਪਨੀਆਂ ’ਤੇ ਪ੍ਰਸ਼ਾਸਨ ਦੀ ਸਖ਼ਤੀ! ਦੋ ਵੱਡੀਆਂ ਲਾਅ ਫਰਮਾਂ ਨੂੰ ਕਾਰਨ ਦੱਸੋ ਨੋਟਿਸ, 24 ਘੰਟਿਆਂ ਵਿੱਚ ਮੰਗਿਆ ਜਵਾਬ

📍 ਗੁਰੂਗ੍ਰਾਮ | ਹਰਿਆਣਾ

ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ ਵਧਦੇ ਹਵਾ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਲਈ ਪ੍ਰਸ਼ਾਸਨ ਵੱਲੋਂ ਸਖ਼ਤ ਕਦਮ ਚੁੱਕੇ ਜਾ ਰਹੇ ਹਨ। ਇਸੇ ਤਹਿਤ Work From Home ਦੇ 50 ਫੀਸਦੀ ਨਿਯਮ ਦੀ ਕਥਿਤ ਉਲੰਘਣਾ ਕਰਨ ਵਾਲੀਆਂ ਦੋ ਵੱਡੀਆਂ ਲਾਅ ਫਰਮਾਂ ਨੂੰ ਪ੍ਰਸ਼ਾਸਨ ਨੇ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤੇ ਹਨ।

ਜਾਣਕਾਰੀ ਅਨੁਸਾਰ, ਗੁਰੂਗ੍ਰਾਮ ਦੇ ਸੈਕਟਰ-42 ਸਥਿਤ ਦੋ ਲਾਅ ਫਰਮਾਂ Trilegal ਅਤੇ JSA Advocates & Solicitors ਦੇ ਦਫ਼ਤਰਾਂ ਵਿੱਚ 5 ਨਵੰਬਰ ਨੂੰ ਅਚਨਚੇਤ ਜਾਂਚ ਕੀਤੀ ਗਈ। ਜਾਂਚ ਦੌਰਾਨ ਨਿਰਧਾਰਤ ਸੀਮਾ ਤੋਂ ਵੱਧ ਕਰਮਚਾਰੀ ਦਫ਼ਤਰ ਵਿੱਚ ਮੌਜੂਦ ਮਿਲੇ।

ਰਿਪੋਰਟਾਂ ਮੁਤਾਬਕ, JSA ਦੇ 117 ਕਰਮਚਾਰੀਆਂ ਵਿੱਚੋਂ ਲਗਭਗ 87 ਕਰਮਚਾਰੀ ਦਫ਼ਤਰ ਵਿੱਚ ਮੌਜੂਦ ਸਨ, ਜਦਕਿ Trilegal ਦੇ 262 ਕਰਮਚਾਰੀਆਂ ਵਿੱਚੋਂ ਲਗਭਗ 160 ਕਰਮਚਾਰੀ ਦਫ਼ਤਰ ਪਹੁੰਚੇ ਹੋਏ ਸਨ। ਜਦਕਿ ਨਿਯਮਾਂ ਅਨੁਸਾਰ ਸਿਰਫ਼ 50 ਫੀਸਦੀ ਕਰਮਚਾਰੀਆਂ ਨੂੰ ਹੀ ਦਫ਼ਤਰ ਬੁਲਾਉਣ ਦੀ ਇਜਾਜ਼ਤ ਹੈ।

ਪ੍ਰਸ਼ਾਸਨ ਨੇ ਦੋਵਾਂ ਫਰਮਾਂ ਤੋਂ 24 ਘੰਟਿਆਂ ਦੇ ਅੰਦਰ ਲਿਖਤੀ ਜਵਾਬ ਮੰਗਿਆ ਹੈ। ਇਸ ਦੇ ਨਾਲ ਹੀ ਕਰਮਚਾਰੀਆਂ ਦੀ ਗਿਣਤੀ, ਬਾਇਓਮੈਟ੍ਰਿਕ ਹਾਜ਼ਰੀ, ਦਫ਼ਤਰੀ ਰੋਸਟਰ ਅਤੇ Work From Home ਕਰਨ ਵਾਲੇ ਮੁਲਾਜ਼ਮਾਂ ਦਾ ਰਿਕਾਰਡ ਵੀ ਮੰਗਿਆ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਗੁਰੂਗ੍ਰਾਮ ਦੇ ਡਿਪਟੀ ਕਮਿਸ਼ਨਰ ਵੱਲੋਂ 3 ਨਵੰਬਰ ਨੂੰ ਜਾਰੀ ਹੁਕਮਾਂ ਅਨੁਸਾਰ 5 ਨਵੰਬਰ ਤੋਂ 20 ਨਵੰਬਰ ਤੱਕ ਦਫ਼ਤਰਾਂ ਵਿੱਚ ਵੱਧ ਤੋਂ ਵੱਧ 50 ਫੀਸਦੀ ਸਟਾਫ਼ ਦੀ ਹੀ ਫਿਜ਼ੀਕਲ ਹਾਜ਼ਰੀ ਦੀ ਇਜਾਜ਼ਤ ਹੈ। ਇਸ ਕਦਮ ਦਾ ਮਕਸਦ ਵਾਹਨਾਂ ਦੀ ਆਵਾਜਾਈ ਘਟਾ ਕੇ ਹਵਾ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨਾ ਹੈ।